"Antaruxas e Sorteiros"

        

     O grupo "Antaruxas e Sorteiros", que pertence á Asociación Cultural do mesmo nome, xorde na Fonsagrada en 1979 como iniciativa popular, coa intención de recompilar a historia da comarca a través da música e o baile. Na actualidade a parte musical está dirixida polo mestre Pepe Vaamonde (1º premio en: concurso Pelegrin de gaiteiros solistas 1993 / concurso Constantino Bellón de gaiteiros solistas 1994, 1996 e 2000, 2 Cds gravados, "Danza Prima" e "12 Polainas enteiras", un libro: "12 Polainas enteiras", como Pepe Vaamonde Grupo ten catro cd's editados "Aviouga", "Onde nace o vento", "Introterra" e "Nas Pedras do Lar"). A parte de baile tradicional está dirixida polo mestre Ismael Carcedo e por Borja Marrondo en canto a mestre de Polavilas.

    Neste grupo combínase unha depurada técnica co esplendor dos modos e usos tradicionais, como se pode apreciar nas distintas vestimentas que se locen e o uso exclusivo de instrumentos puramente típicos da rexión.

    Pola súa actividade folklórica ininterrompida e os seus traballos de investigación catalogouse a "Antaruxas e Sorteiros" como un dos grupos que mellor souberon conservar a idiosincrasia dun pobo, "o galego" e, sobre todo, o legado dos "nosos mellores fonsagradinos".